Në mesin e muajit korrik, që shënon kulmin e sezonit turistik, dhe fluksin e shtuar të vizitorëve dhe turistëve të huaj, është karakteristikë forcimi i pozitave të monedhës vendase Lek në këmbim me valutat e huaja.

Sipas kursit zyrtar të Bankës së Shqipërisë një euro u këmbye me 121,85 lekë, rreth 0,03 lekë më pak se një ditë më parë, duke shënuar ditën e tetë me rënie.

Ndërkohë që prej fillimit të këtij muaji, euro ka humbur rreth 1 lek.

Tendenca e zhvlerësimit të monedhës së përbashkët europiane pritet të vijojë edhe në ditët në vijim, por sipas BSH-së, luhatjet janë brenda parashikimeve.

Sipas bankierëve zhvlerësimi i euros në tregun vendas është ndihmuar edhe nga ecuria e dobët që ka pasur në tregjet ndërkombëtare. Në tregjet ndërkombëtare euro po këmbehet në nivelin 1,12 dollarë, nga 1,14 që ishte në fundin e muajit qershor, duke u luhatur kështu rreth nivelit më të ulët të 12 muajve të fundit.

Monedha Kryesore Lekë për njësi të monedhës së huaj
Dollar Amerikan USD 108.19 -0.33
Euro EUR 121.95 +0.10
Poundi Britanik GBP 135.61 +0.06
Franga Zvicerane CHF 109.69 +0.17
Jeni Japonez (100) JPY 100.03 +0.35
Dollari Australian AUD 75.52 +0.35
Dollari Kanadez CAD 82.95 +0.23
Korona Suedeze SEK 11.53 +0.06
Korona Norvegjeze NOK 12.65 +0.09
Korona Daneze DKK 16.33 0.00
SDR SDR 149.34 -0.39
Ari(OZ 1) XAU 153965.38 +2,454.70
Argjend(OZ 1) XAG 1654.27 +12.09
Juani Kinez (onshore) CNY 15.76 -0.01
Juani Kinez (offshore) CNH 15.75 -0.01
Lira Turke TRY 19.06 +0.16/Atsh